Hypnotic

കൈയിലൊരു ഉഗ്രൻ ട്വിസ്റ്റ്‌ ഉണ്ട്. പക്ഷെ അതിനു വേണ്ട കഥ ഇല്ല. Hypnotic ഡെവലപ്പ് ആയത് ഇങ്ങനൊരു ചിന്തയിൽ നിന്നാണെന്ന് കരുതിയാലും കാണുന്ന പ്രേക്ഷകനെ കുറ്റം പറയാൻ പറ്റില്ല. ട്വിസ്റ്റ്‌ എന്ന് പറയുമ്പോൾ ലോക സിനിമ അറിഞ്ഞവരെ ഞെട്ടിച്ചു അങ്ങേ അറ്റം എത്തിക്കും എന്നൊന്നുമല്ല പക്ഷെ നല്ലൊരു ത്രില്ലിംഗ് ആസ്വധനത്തിന് വേണ്ടൊരു മരുന്ന് Hypnotic നു ഉണ്ട്. മികച്ച കഥയുടെ പിൻബലത്തിൽ ആയിരുന്നു എങ്കിൽ Predestination നു ഒപ്പം ഒക്കെ ചർച്ച ആവേണ്ടിയിരുന്ന ഒന്ന്. പക്ഷെ ആദ്യ പകുതി പറഞ്ഞു നിർത്തുമ്പോൾ ഉണ്ടാവുന്ന ആകാംഷ കഥയുടെ അനാവരണത്തിൽ ഒരു കുമിള മാത്രമായി മാറുന്നു. ഒന്നര മണിക്കൂർ ഒരു ആവറേജ് ചിത്രത്തിലേക്ക് ഒതുങ്ങുമ്പോൾ സിനിമയുടെ ആശയത്തിന് കുറച്ചെങ്കിലും മെച്ചപ്പെട്ട ഒരു അവതരണം അർഹമായിരുന്നു എന്ന് തോന്നി

കഴിഞ്ഞ കാലങ്ങളിൽ വാർത്തകളിൽ ഏറെ ഇടം പിടിച്ച പേരാണ് ഡീറ്റെക്റ്റീവ് Danny Rourke യുടേത്. കണ്മുന്നിൽ വച്ചു മകളെ ആരോ തട്ടിഎടുത്തിട്ടും ഒന്നും ചെയാൻ കഴിയാതിരുന്നൊരു പിതാവ്. ഈ തകർച്ചയിലും അയാളെ പിടിച്ചു നിറുത്തുന്നത് ഡാനിയുടെ ജോലി ആണ്. അങ്ങനെ ഒരു പ്രഭാതത്തിൽ അയാളെ തേടി ഒരു റോബറി കേസ് എത്തുന്നു. അന്വഷിക്കുംതോറും മറ്റു പല ക്രൈമുകളിലും ഈ സെയിം പാട്ടേൺ അയാൾ കണ്ടെത്തുന്നു. അന്വഷണം പുരോഗമിക്കുതോറും ചില സത്യങ്ങൾ അയാളെ ഞെട്ടിക്കുന്നു. തുടക്കം മുതൽക്കേ ഒരു mystery കീപ് ചെയ്ത് ഫാസ്റ്റ് Pace ഇൽ പോകുന്ന പടം മേൽ പറഞ്ഞൊരു വഴിതിരിവിനാണ് തിടുക്കം കൂട്ടുന്നത്. വലിയ മികവുള്ള ഒരു ഡയറക്ഷനും ചിത്രത്തിന് അവകാശപെടാൻ ഇല്ല. മികച്ച ആശയങ്ങൾക് വേണ്ടത്ര ശ്രമങ്ങൾ കൊടുക്കത്തുരികുമ്പോൾ കിട്ടുന്ന അതൃപ്തി ആണ് Hypnotic.